domingo, 21 de octubre de 2007

Ao esforzo dos redeños e redeñas...

NON PODE PASAR DESAPERCIBIDO QUE É AO ESFORZO DOS VECIÑOS DE REDES O RECOÑECOMENTO DOS ARQUITECTOS CORUÑESES



"É o esforzo levado a cabo polos veciños e veciñas ao longo da historia o que mantén a Redes no seu estado orixinal"

"E dito esforzo secular foi o que, verdadeiramente, lle valeu a Redes a distinción por parte da delegación coruñesa do Colexio Oficial de Arquitectos de Galicia".


No marco das actividades organizadas durante toda a mañá de onte por este colectivo na vila mariñeira, á que lle adicaron este ano –o pasado día 1- o Día Mundial da Arquitectura, non se pode lembrar que os redeños foron quen de conservar o esquema primixenio da vila, fronte ao que ocurríu noutros lugares, nos que se pode observar cunha simple ollada o impacto urbanístico dos últimos anos.

Este modelo, hai que subliñar, é o que recoñecen agora os arquitectos, que defenden nestes tempos unha visión da arquitectura sostible.

Neste aspecto, pódese afirmar que os parámetros actuais van na liña dun dos pilares do programa político dos socialistas de Ares, que é o ecoturismo, xa que pretendemos sacarlle o máximo partido posible ás potencialidades dun municipio que as ten, como é Ares, pero sempre respectando o entorno e o medio ambiente.

Lugares como o peirao de Redes, a praia de Area Morta –que onte lucía un aspecto similar ao da súa orixe, grazas a unha obra, consistente na colocación de cabrias con redes por enriba, realizada polo artista Paco Pestana-, a de Sabadelle ou as múltiples calas desta zona son algúns dos exemplos a destacar nunha vila que é un dos lugares máis emblemáticos e singulares do municipio e de toda a comarca ferrolá.

O de onte foi un "día moi especial", polo "recoñecemento do que se está a facer en Redes dende fai moitos anos sen nengún tipo de axudas públicas". Foi este esforzo exclusivo dos redeños e redeñas o que deu lugar a un "entorno privilexiado, pintoresco e singular".

"Hoxe estamos ledos porque isto supón un recoñecemento que ven dende fora a algo que se está a facer dende sempre sen a implicación de ningunha administración".

A partires de eiquí, é evidente que temos que aproveitar dito recoñecemento para solicitar as reunións que fagan falla falar estudar o deseño e execución dalgún tipo de actuación ou de plan dirixido a destinar axudas para a rehabilitación e recuperación integral desta vila aresana.

Ademais, non estaría nada mal que a delegación de A Coruña do Colexio Oficial de Arquitectos se comprometese a erixir un recordo permanente deste recoñecemento público, co obxectivo de que quede reflexada para o futuro esta homenaxe ao traballo desenvolvido polos redeños.


Polo demais, para que non poidera acudir, dicir que os actos comezaron en Redes sobre as 12.30 horas, coa chegada da lancha que, procedente de Lorbé (Sada), atracou no peirao.


Foguetes e música, a cargo do grupo "Son de Cuba", recibiron á comitiva, formada por máis de 300 persoas desta delegación de arquitectos, co seu presidente ao frente.


Despois dun encontro na praza do Pedregal, os arquitectos realizaron un percorrido pola vila, facendo unha parada especial en Area Morta, lugar no que estaba exposta a obra de Paco Pestana –a recreación das cabrias coas redes, tal e como facían os redeños antigamente-.

As actividades concluiron nos xardíns de Vila Amalia, donde tivo lugar o xantar dos arquitectos asistentes.

No hay comentarios: